2025-йил 25-июлда “Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида” ПФ–117-сонли Президент фармони қабул қилинган эди.

Адлия вазирлигида ушбу ҳужжатнинг мазмун ва моҳиятини ижрочиларга тушунтириш,  ижро интизомини мустаҳкамлашга қаратилган турли таклифларни реализация қилиш мақсадида ўқув-амалий семинар ўтказилди. 

Семинарда республика ижро этувчи ҳокимият органлари, маҳаллий ҳокимликлар ҳамда хўжалик бирлашмаларининг ижро интизомига масъул бўлинмаларининг 100 дан ортиқ ходимлари бевосита ҳамда 500 га яқини видеоконференсалоқа орқали иштирок этди. Тадбирда Ҳисоб палатаси ва Адлия вазирлиги томонидан ижро интизомини самарали ташкил этиш борасида амалга оширилган ишлар, йўл қўйилган хато ва камчиликлар, келгусидаги режалар таҳлил қилинди. 

“Unicon SoftТ” компанияси мутахассислари семинарда  “Ijro.gov.uz” тизимини техник жиҳатдан такомиллаштириш бўйича жорий қилинадиган янги механизмлар ҳақида иштирокчиларга батафсил маълумотлар беришди. Тадбир якунида “Ijro.gov.uz” электрон тизимидаги мавжуд тушунмовчиликлар бевосита ижрочилар билан муҳокама қилинди ҳамда биргаликда тизимни доимий такомиллаштириб бориш масалалари бўйича келишиб олинди.