Ўзбекистон маҳаллалари уюшмаси ва Unicon Soft компанияси томонидан ишлаб чиқилган “Рақамли маҳалла” платформасининг мобил иловасини Плай Маркетдан ҳеч қандай тўловларсиз, мутлақо бепул юклаб олиш мумкин. 

Бугунги кунда республикадаги барча маҳаллалар еттилиги кундалик фаолиятини тўлиқ “Рақамли Маҳалла” мобил иловаси ёрдамида юритмоқда. Иловадан нафақат маҳалла тизими ходимлари, балки ҳар бир юртдошимиз фойдаланиши, ўзларини қийнаётган муаммолар юзасидан маҳалла масъулларига мурожаат қилиши мумкин.

“Рақамли маҳалла” платформаси ва илова орқали маҳаллага оид барча маълумотлар ягона базада жамланади ва таҳлил қилинади. Бу эса маҳаллаларда аҳолини ижтимоий қўллаб-қувватлашга қаратилган давлат сиёсатининг манзилли юритилишини таъминлайди.

Илова билан боғлиқ қандайдир муаммо ёхуд тушунмовчиликларга дуч келаётган бўлсангиз, бу ҳақда тизим оператори – Unicon Soft компаниясининг ягона Cалл-маркази (+99871 200-46-46)га мурожаат қилиб, ёрдам олишингиз мумкин.