Хабарингиз бор, ChatGPT’нинг o1 Pro премиум версияси ойига 200 долларлик обуна билан ишга туширилган эди – бу 20 долларлик стандарт тариф режасига нисбатан сезиларли ўсиш ҳисобланади. OpenAI бош директори Сем Алтманнинг айтишича, о1 Pro дунёдаги энг ақлли модель бўлиб, мураккаб вазифаларни ечиш учун мўлжалланган.

Модель математик “мусобақалар”, дастурлаш тестлари ва илмий тадқиқотларда олдинги версияларга қараганда юқори натижаларни кўрсатмоқда. OpenAI о3’га ўтган бўлса-да, ушбу янги модель фақат мини-версиясидан ташқари ҳали мавжуд эмас.

API нархлари билан солиштирганда, о1 Pro’га нисбатан GPT-4.5 тежамкор кўринади: кириш нархи миллион токен учун 150 доллар, чиқиш эса 600 долларни ташкил этади. GPT-4.5 мос равишда 75 ва 150 доллар, стандарт о1 эса 15 ва 60 доллар туради.

OpenAI ўз хизматини асосан тадқиқотчилар, муҳандислар ва профессионал фойдаланувчилар учун таклиф этмоқда. o1 дебютидан бери бир нечта рақобатдош “мулоҳаза юритувчи” моделлар пайдо бўлди, жумладан Claude 3.7 “Thinking” ва Grok 3 “Thing”.

Шундай бўлса-да, о1 сунъий интеллектга ихтисослашган компаниялар рейтингида учинчи ўринни эгаллаб келмоқда. o1 Pro’нинг асосий афзаллиги унинг юқори ҳисоблаш қуввати бўлиб, бу янада ишончли ва аниқ натижаларни таъминлайди. Ушбу имконият уни маълум фойдаланиш ҳолатлари учун энг мақбул танловга айлантириши мумкин, чунки ҳозирда унга тенг келадиган таклифлар мавжуд эмас.